उपजिल्हाधिकारी माहिती
Table of Contents
उपजिल्हाधिकारी माहिती:- नमस्कार, सदर संकेतस्थळावर आपल्या सर्वांचे स्वागत. तुम्ही तुमचा बहुमूल्य वेळ ह्या पोस्टसाठी देताय त्याला अनुसरूनच मी तुम्हाला सर्व माहिती पुरवणार आहे.
उपजिल्हाधिकारी होण्यासाठी काय करावे लागते ह्या पोस्टच्या इतिश्री ला तुम्हाला तुमच्या सर्व प्रश्नांची उत्तरे व इतर माहिती मिळालेली असेल. तुमच्या पुढील वाटचालीस महाराष्ट्र भरती कडून खूप खूप शुभेच्छा.!
उपजिल्हाधिकारी माहिती
स्पर्धा परीक्षेची तयारी करणाऱ्या बहुतेक उमेदवारांच्या स्वप्नातली व आवडीची पोस्ट म्हणजे जिल्हाधिकारी आणि उपजिल्हाधिकारी.यापैकी मागील पोस्ट मध्ये आपण जिल्हाधिकारी होण्यासाठी काय करावे लागते हे पहिले आहे.जर तुम्ही ती पोस्ट अजून बघितली नसेल तुम्हाला त्या पोस्टची लिंक खाली भेटून जाईल.
या पोस्टमध्ये आपण उपजिल्हाधिकारी कसे होता येईल याची संपूर्ण माहिती घेणार आहोत.या पोस्ट मध्ये तुम्हाला उपजिल्हाधिकारी होण्यासाठी आवश्यक असणारी सर्व माहिती मिळणार आहे.हि पोस्ट वाचल्यानंतर तुमच्या मनामध्ये असणाऱ्या बहुतेक शंकांचं निरसन होणार आहे.
उपजिल्हाधिकारी होण्यासाठी आवश्यक असणारी शैक्षणिक पात्रता, वयोमर्यादा, मिळणारे वेतन,अभ्यासक्रम,अभ्यासक्रमामधील विषय व घटक तसेच पूर्व परीक्षा , मुख्य परीक्षा आणि मुलाखत याची सविस्तर माहिती आपण या पोस्ट मध्ये पाहणार आहोत.
पण त्याआधी हे पाहू कि, उपजिल्हाधिकारी हे पद उमेदवारांमध्ये एवढे लोकप्रिय आणि आवडीचे का आहे. तर त्याची काही कारणे आहेत ती खालीलप्रमाणे,
- शासनामधील महत्वाचे पद
- समाजामध्ये प्रतिष्ठेचे व मानसन्मानाचे मानले जाणारे पद
- समाजामध्ये मोठे बदल करण्याची क्षमता व अधिकार देणारे पद
- पद नियुक्तीनंतर मिळणाऱ्या अनेक VIP सोयी-सुविधा ,जसे कि
- शासकीय वाहन
- शासकीय निवासस्थान
- हाताखाली नोकर चाकर इत्यादी.
- उपजिल्हाधिकारी पदावर नियुक्ती झाल्यानंतर भविष्यामध्ये मिळणारी जिल्हाधिकारी पदाची पदोन्नती.
अशा अनेक आकर्षणामुळे उपजिल्हाधिकारी हे पद समाजामध्ये व उमेदवारांमध्ये प्रतिष्ठेचे व सन्मानाचे मानले जाते.तुम्हाला उपजिल्हाधिकारी या पदाची माहिती देण्याआधी हे सांगण्याचं कारण म्हणजे तुम्ही हि पोस्ट काळजीपूर्वक वाचावी आणि उपजिल्हाधिकारी या पदाची मनापासून तयारी करून यश मिळवावे.
उपजिल्हाधिकारी होण्यासाठी कोणती परीक्षा द्यावी लागते, त्या परीक्षेचा अभ्यासक्रम काय असतो आणि त्यासाठी शैक्षणिक पात्रता व वयोमर्यादा काय आहे हे तुम्हाला खालील मुद्यामध्ये सविस्तर सांगण्यात आलेले आहे.
उपजिल्हाधिकारी होण्यासाठी पात्रता
उपजिल्हाधिकारी होण्यासाठी आवश्यक असणारी शैक्षणिक पात्रता व वयोमर्यादा खालील प्रमाणे,
- शैक्षणिक पात्रता :-
- उपजिल्हाधिकारी पदासाठी अर्ज करण्यासाठी उमेदवार किमान पदवीधर असावा.
- अर्ज करणाऱ्या उमेदवाराचे नागरिकत्व भारतीय असावे.
- तुम्ही किमान आवश्यक गुणांनी जरी तुमची पदवी उत्तीर्ण झालेले असाल तरी उपजिल्हाधिकारी या पदासाठी अर्ज करू शकता.
- वयोमर्यादा :-
- उपजिल्हाधिकारी पदासाठी आवश्यक असणारी वयोमर्यादा खालील प्रमाणे,
- सर्वसाधारण/जनरल प्रवर्ग :- किमान 19 वर्ष ते कमाल 38 वर्ष
- मागास प्रवर्ग :- किमान 19 वर्ष ते कमाल 43 वर्ष
- खेळाडू :- किमान 19 वर्ष ते कमाल 43 वर्ष
- दिव्यांग :- किमान 19 वर्ष ते कमाल 45 वर्ष
- शासनाची पदभरती जाहिरात आल्यानंतर शासन निर्णयानुसार वयोमर्यादेमध्ये बदल होऊ शकतात , त्याबद्दल जाहिरातीमध्ये माहिती दिलेली असेल.
- उपजिल्हाधिकारी पदासाठी आवश्यक असणारी वयोमर्यादा खालील प्रमाणे,
उपजिल्हाधिकारी अभ्यासक्रम
उपजिल्हाधिकारी होण्यासाठी जी परीक्षा घेतली जाते त्याची वयोमर्यादा व शैक्षणिक पात्रता याबद्दलची माहिती आपण घेतलेली आहे. आता आपण उपजिल्हाधिकारी होण्यासाठी MPSC मार्फत घेण्यात येणारी राज्य सेवा परीक्षा याचा अभ्यासक्रम पाहणार आहोत.
उपजिल्हाधिकारी पदाची परीक्षा उत्तीर्ण होण्यासाठी उमेदवाराला खालील ३ प्रक्रियांमध्ये उत्तीण होणे आवश्यक आहे.
- पूर्व परीक्षा :- पूर्व परीक्षेमध्ये खालीलप्रमाणे २ पेपर असतात.
- १ .सामान्य अध्ययन
- २ .C-SAT (Civil Services Aptitude Test)
- मुख्य परीक्षा :-मुख्य परीक्षेमध्ये खालील ६ पेपर असतात.
- १ . मराठी
- २ . इंग्रजी
- ३ . सामान्य अध्ययन -पेपर १
- ४ . सामान्य अध्ययन -पेपर २
- ५ . सामान्य अध्ययन -पेपर ३
- ६ . सामान्य अध्ययन -पेपर ४
- मुलाखत :-उपजिल्हाधिकारी होण्यासाठी वरील प्रक्रियेमध्ये उत्तीर्ण झालेल्या उमेदवारांना १०० गुणांची मुलाखत द्यावी लागते.
आता आपण पूर्व परीक्षा, मुख्य परीक्षा आणि मुलाखत या तीनही प्रक्रियांबाबत सविस्तर माहिती घेऊ.
पूर्व परीक्षा (Preliminary Exam ):- 400 Marks (Qualifying)
उपजिल्हाधिकारी होण्यासाठीच्या पूर्व परीक्षा हि एकूण ४०० गुणांची असते.यामध्ये दोन विषय असतात.दोन्ही विषयांचे मिळून एकूण १८० प्रश्न परीक्षेमध्ये विचारले जातात व परीक्षेमध्ये मिळणारा एकूण वेळ २ तास प्रत्येकी असा असतो.
- पेपर क्रमांक १:- सामान्य अध्ययन
- पेपर क्रमांक २:- C-SAT (Civil Services Aptitude Test)
| अ.नं. | विषय | प्रश्न | गुण | वेळ |
| 1 | सामान्य अध्ययन | 100 प्रश्न | 200 गुण | 2 तास |
| 2 | C-SAT (Civil Services Aptitude Test) | 80 प्रश्न | 200 गुण | 2 तास |
| एकूण | 180 प्रश्न | 400 गुण | 2 तास |
मुख्य परीक्षा (Mains Exam ):- 800 Marks
मुख्य परीक्षेमध्ये एकूण सहा पेपर असतात.
- मराठी भाषा :- हा पेपर एकूण १०० गुणांचा असतो ज्यासाठी ३ तास म्हणजेच १८० मिनिटे इतका वेळ दिला जातो.
- इंग्रजी भाषा :- हा पेपर १०० गुणांचा असून यासाठी ३ तास वेळ दिला जातो.
- सामान्य अध्ययन- १ :- हा पेपर १५० गुणांचा असून यासाठी २ तास वेळ दिला जातो.
- सामान्य अध्ययन-२ :- या पेपरसाठी २ तास वेळ दिला जातो आणि १५० गुणांचा हा पेपर असतो.
- सामान्य अध्ययन -३ :- या पेपरसाठी २ तास वेळ दिला जातो आणि १५० गुणांचा हा पेपर असतो.
- सामान्य अध्ययन-४ :- या पेपरसाठी २ तास वेळ दिला जातो आणि १५० गुणांचा हा पेपर असतो.
| अ.नं. | विषय | गुण | वेळ |
|---|---|---|---|
| 1 | मराठी भाषा | 100 गुण | 3 तास |
| 2 | इंग्रजी भाषा | 100 गुण | 3 तास |
| 3 | सामान्य अध्ययन- १ (इतिहास,भूगोल,कृषी) | 150 गुण | 2 तास |
| 4 | सामान्य अध्ययन-२ (भारतीय संविधान,भारतीय राजकारण आणि कायदे) | 150 गुण | 2 तास |
| 5 | सामान्य अध्ययन -३ (मानवी संसाधन,मानवी हक्क) | 150 गुण | 2 तास |
| 6 | सामान्य अध्ययन-४ (विज्ञान आणि तंत्रज्ञान,अर्थव्यवस्था) | 150 गुण | 2 तास |
| एकूण | 800 गुण |
मुलाखत (Interview) :- 100 Marks
उपजिल्हाधिकारी या पदासाठी एकूण १०० गुणांची मुलाखत MPSC द्वारे घेण्यात येते.मुख्य परीक्षा व मुलाखत यामध्ये मिळालेल्या गुणांच्या आधारे फायनल मेरिट लिस्ट जाहीर केली जाते.या नंतर सर्व पात्र उमेदवारांची कागदपत्र पडताळणी आणि वैद्यकीय तपासणी केली जाते नंतर प्रशिक्षण आणि नियुक्ती अशी प्रक्रिया असतात.
जेव्हा उमेदवाराचे गुणवत्ता यादीमध्ये म्हणजेच फायनल मेरिट लिस्ट मध्ये नाव येते व उपजिल्हाधिकारी या पदासाठी उमेदवाराची निवड होते ,त्यानंतर उमेदवारांना पुणे येथील यशदा (Yashwantrao Chavan Academy of Development Administration) (YASHADA) या शासकीय इन्स्टिटयूट मध्ये प्रशिक्षणासाठी पाठवले जाते.
उपजिल्हाधिकारी वेतन
उपजिल्हाधिकारी या पदावरील अधिकारी याना शासनाकडून दरमहा 56100 – 177100 + इतर भत्ते एवढे वेतन दिले जाते.
उपजिल्हाधिकारी म्हणजे काय
राज्य सरकार मार्फत भरले जाणारे राजपत्रित पद म्हणजे उपजिल्हाधिकारी हे पद.उपजिल्हाधिकारी हे तहसीलदार आणि जिल्हाधिकारी यांच्यामधील दुवा म्हणून काम करतात.
उपजिल्हाधिकारी कामे
- आपत्ती व्यवस्थापन आणि त्याच्या नियोजनासंदर्भातील कामे
- दुष्काळ,पूर ,महामारी किंवा साथीचे आजार इत्यादी समस्यांचे व्यवस्थापन
- शासनाने समाजासाठी बनवलेल्या योजनांची समाजामध्ये अंमलबजावणी करणे
- जनतेला शासकीय प्रमाणपत्रे व दाखले देण्यासंदर्भातील कामे
- VIP व्यक्तींच्या दौऱ्याची जबाबदारी व राजशिष्टाचार अधिकारी म्हणून जबाबदारी सांभाळणे.
अशा अनेक प्रकारच्या कामांची जबाबदारी उपजिल्हाधिकारी यांची असते.
- कलेक्टर होण्यासाठी काय करावे |कलेक्टर या पदासाठी आवश्यक शिक्षण ,परीक्षापद्धती , निवडप्रक्रिया ,पगार ,कामे,कर्तव्ये व जबाबदाऱ्या याबद्दल सखोल व सविस्तर माहिती. <-मिळवण्यासाठी इथे क्लीक करा.
FAQ’s :-
उपजिल्हाधिकारी ला काय म्हणतात?
उपजिल्हाधिकारी यांनाच प्रांताधिकारी किंवा उपविभागीय अधिकारी असेही म्हणतात.
उपजिल्हाधिकारी होण्यासाठी महत्वाचे टप्पे
उपजिल्हाधिकारी होण्यासाठी महत्वाचे टप्पे खालील प्रमाणे.
1.राज्यसेवा पूर्व परीक्षा – 400 गुण
2.राज्यसेवा मुख्य परीक्षा – 800 गुण
3.मुलाखत – 100 गुण
यामधील राज्यसेवा मुख्य परीक्षा आणि मुलाखत(900 गुण) यांच्या गुणांच्या आधारे उमेदवाराचे सिलेक्शन होत असते.
एक उपजिल्हाधिकारी किती कमवू शकतो?
एक उपजिल्हाधिकारी दरमहा 56100 – 177100 + इतर भत्ते एवढे कमवू शकतात.
उपजिल्हाधिकारी हा वर्ग 1 अधिकारी आहे का?
हो,उपजिल्हाधिकारी हा वर्ग 1 राजपत्रित अधिकारी आहे.
उपजिल्हाधिकारी यांची निवड कोण करते?
उपजिल्हाधिकारी यांची निवड राज्य शासनाद्वारे घेण्यात येणाऱ्या MPSC मधील राज्यसेवा या परीक्षेमधून केली जाते.
उपजिल्हाधिकारी कसे होता येते?
महाराष्ट्र लोकसेवा आयोग अंतर्गत घेण्यात येणाऱ्या राज्य सेवा या परीक्षेमार्फत उपजिल्हाधिकारी होता येते.
उपजिल्हाधिकारीची जबाबदारी काय आहे?
उपजिल्हाधिकारी या पदावरील अधिकारी यांना अनेक जबाबदाऱ्या असतात ज्यामध्ये महसूल प्रशासन, आपत्ती व्यवस्थापन आणि निवडणूक व्यवस्थापन यांसारख्या अनेक जबाबदाऱ्यांचा समावेश होतो.
एम. पी. एस. सी. ची राज्य सेवा परीक्षा कशी पास करावी?
एम. पी. एस. सी. ची राज्य सेवा परीक्षा हि परीक्षा पास होण्यासाठी अभ्यासक्रमानुसार अभ्यासाचे नियोजन करावे, अभ्यासामध्ये सातत्य ठेवावे, योग्य मार्गदर्शन घ्यावे, पूर्व आणि मुख्य परीक्षेसोबतच मुलाखतीची तयारीही करावी.
महाराष्ट्र व भारतातील सर्व प्रकारच्या सरकारी नोकऱ्यांची अधिकृत व सविस्तर माहिती तसेच करिअर मार्गदर्शन व माहिती आपल्याला वेळोवेळी आमच्या या संकेतस्थळावर मिळत राहील. उमेदवाराला लवकरात लवकर या सर्व सरकारी नोकऱ्यांची अधिकृत व सविस्तर माहिती आपल्या मातृभाषेमध्ये त्याच्या मोबाइलवर किंवा संगणकावर एका क्लीक वर उपलब्ध व्हावी व त्याला वेगवेगळ्या करिअर पर्यायाबद्दल माहिती मिळावी यासाठी केलेला हा एक प्रयत्न…….!
''🎯कृपया आपल्या मित्र-मैत्रिणींना ह्या नोकरीची / करिअर ची माहिती शेअर करा व त्यांना त्यांच्या स्वप्नपूर्तीसाठी मदत करा.🎯"
